Плиткото дишење го лишува телото од кислород и го нарушува здравјето на клетките на целиот организам. Една американска студија покажува дека луѓето во просек користат само 20 проценти од белите дробови.
Причината е бидејќи дишат само со горниот дел на белите дробови, а целосно го игнорираат средишниот дел и стомакот. Така го попречуваат внесувањето на витамини и минерали и ја губат енергијата. Кислородот е неопходен за ослободување на телото од токсините и за нормално функционирање на сите органи. Експертите велат дека плиткото дишење може да предизвика промени во расположението или депресија, бидејќи до мозокот доаѓа само малку кислород.
Дишењето може да се вежба и после некое време, длабокото и бавно вдишување и издишување ќе ви премине во навика.
Правилно вдишување и издишување: Вдишете преку носот и почувствувајте како стомакот се полека се шири и полни со кислород. Полека издишете низ уста сè додека не останете без кислород.
Свиркање за подобро издишување: Доколку не можете бавно да издишувате, обидете се со бавно свиркање.