Производи од кои би поцрвенеле, а наменети се за девојчиња

Да се одгледуваат и воспитуваат деца не е лесна задача. Особено денес и особено ако тие деца се девојчиња. Треба да се одбере добро училиште, правилна исхрана за да не добијат целулит уште на 9 години, да ја засакаат и препознаваат розовата боја уште од третиот месец по раѓањето, да умеат да препознаат оригинал Барбика од “fake” и сместа да се дистанцираат од девојчињата кои играат со таква, и уште милион слични воспитни замки. За таа цел од голема помош е и телевизијата, но оние родители со поголеми амбиции може да набават и продажни каталози и да ги освежат воспитните мерки со:
1. Детска шипка за стриптиз – ова е производ кој во почетокот можеше да се најде само во Америка, на општа радост на мајките кои одгледуваат Барбики. Сега веќе ги има ширум целиот свет, со таа разлика што не се продаваат повеќе по одделот за детски играчки, туку во спортска опрема.

2. Брац кукли – на Барбиките сите навикнавме, па сега овие кукли кои се облечени исклучиво како евтини проститутки ни изгледаат можеби чудно. Само работа на време е – ќе се навикнеме и засакаме и нив.