И сè се случи за 24 часа.Во еден ден се случија пет катастрофи во кои загинаа 200 луѓе. Неделата беше кобен ден за оваа планета.
1. Во Индија воз со 1000 патници излета од шина, при што загинаа 60.
Сеуште не е потврдена причината за несреќата, но медиумите пишуваат дека мачиновозачот стиснал на копчето за кочница, откако видел на шините стадо со крави. Спасителите се обидуваат со сета сила да ги извадат заглавените живи луѓе, сечејќи ги вагоните на пола. Не се знае дали луѓето ќе преживеат, и во каква состојба ќе бидат извадени.
2. Триесетина деца и уште осумдесет возрасни загинаа во водите на Волга, во неделата кога за време на олуја потона брод.
На бродот стар 55 години, предвиден за 120 патници, имало двојно повеќе патници.
3. На Сибир, седум мртви.
Патничкиот авион “антонов 24” на линија Томск-Сургут, ја прелетал реката Об, кога од непознати причини му откажале моторите. Пилотот се обидел да го одржи летот, во што делумно и успеал. Слетал на заледена водена површина, нослетувањето било страшно, при што од силен удар погинале седум патници.
4. На Кипар загинаа 12 луѓе.
При експлозија на воена база, на југот на Кипар загинале 12 луѓе. Вжарен метал паѓаше од небо. Се се тресеше од експлозијата, изјавил еден од преживеаните. Во експлозијата се уништила и голема количина на муниција која била конфискувана пред две години од Иран. Не се знае од кои причини дошло до несреќата. Само неколку часа по несреќата, министерот за одбрана и началникот на штабот дале оставка.
5. Во САД седум мртви.
Семејна трагедија се случи и во САД во недела. Двајцата родители заедно со нивните пет деца загинале во авионска несреќа, со нивниот приватен авион кој се срушил не далеку од аеродромот. Пилотот, таткото се обидел да го одржи летот, но не успешно. Авионот паднал во шума каде се запалил.