Работник поминал низ машина за обработка на челик и преживеал

Еден работник од компанијата Компас, во Велика Британија доживеал несреќа и ја преживеал истата за која се смета дека е чудо. Работникот Метју Лоу кој работел на компјутерски управувана машина за обработка на челик случајно ја закачил униформата на лентата од машината, по што бил повлечен од машината и бил вовлечен во неа. Главата му поминала од пошироката страна, а целото тело низ простор кој бил широк само 13 цм. Додека поминувал нив тесниот простор бил убеден дека тоа е крајот. Паднал целиот крвав и скршен. Имал скршеници на грбот, карличната коска, неколку ребра кои предизвикале огромни рани на стомакот. Но, по тоа му биле направени неколку операции, и сега по две години тој се чувствува одлично.