Отровен радиоактивен плутониум почнал да истекува од нуклеарната електрана “Фукушима“, чие време на распаѓање изнесува околу 24.000 години, јавува “Блиц“, пренесува Нетпрес.
Смртоносниот нуклеарен материјал во меѓувреме бил откриен дури и надвор од постројките, во околината на земјиштето кај “Фукушима“.
“Ситуацијата е многу сериозна. Правиме се’ што можеме за штетата да биде што помала“, изјавил портпаролот на владата на Јапонија Јукио Едано.
Тој истакнал дека радиоактивниот материјал непрекинато навлегува длабоко во земјата, а јапонскиот премиер Наото Кан ја оценил ситуацијата како “непредвидлива“.
Портпаролот на владата додал и дека било неопходно да се спречи загревањето на реакторите поради што било неизбежно да се продолжи со ладење односно дека приоритет мора да биде вбризгувањето вода во реакторите.
Извор: Нетпрес