Минатата есен помина во стилот на femme fatale од 40-тите, со фризури во цик-цак бранови и ретро пунџи во стилот на Dolce Vita, мачкасти очи и природни усни. Иако летото сеуште не поминало, не е лошо да ги дознаеме есенските трендови кои ги диктираат модните дизајнери и подготвено да ја дочекаме новата сезона.
Љубителите на силната шминка конечно си го дочекаа редот. Оваа есен главен акцент ќе се стави на очите и тоа во различни варијанти од „smoky eyes“, до сенки во различни бои и совршено обликувани веѓи. Оваа есен мат боите се повторни „ин“ како и црвениот руж и течните пудри.
