Што да јадете по вежбање?

Погрешниот избор на храна може да го уништи целиот труд за вежбање.

Една од најважните работи која мора правилно да ја направиме после вежбањето е да јадеме хранлив оброк.  Но не било каков – важно е да не внесувате маснотии, а оброкот треба да се изеде во рок од половина час. Мускулите се преморени, нивото на шеќер во крвта значително е паднато и почнува разградување на мускулното ткиво.

Истражувањата покажуваат дека е многу потребно да се надокнади изгубениот гликоген во крвта после тренингот. Тоа е време кога драстично се зголемува и забрзува процесот на протеинска синтеза или процесот на обнова и формирање на нови мускулни влакна. Спортските студии исто покажуваат дека внесувањето на јаглени хидрати по вежбање го зголемува нивото на инсулин.

Времето по вежбањето е најидеално за апсорпција на креатин и аминокиселини. Освен тоа, нашите мускули се 80% вода, а за време на вежбањето губиме многу вода – преку потење, затоа не смее да се занемари важноста за хидратација за време и по вежбањето. Со дехидратација можеме да изгубиме и до 20% сила и енергија која е потребна за вежбање.

Соодветно мени

Освен јаглени хидрати кои го подигаат нивото на хормоните во организмот, многу се важни протеините кои веднаш по вежбањето влегуваат во составот на мускулите и тоа двапати повеќе отколку за време на било кој друг оброк. Меѓу добро познатите протеини, млекото, сирењето, јајцата, сојата и месото, најдобар е протеинот од млечната сурутка кој е најпогоден за брз влез во мускулите.

Последните состојки се витамините и минералите, посебно витамин Ц и Е, добро познатите антиоксиданси чија задача овде е отстранување на отпадните материи генерирани во мускулите.

Препорачливо е да јадете пржени пилешки крилца, мисиркино месо, туна на парче пченичен леб, омлет со зеленчук, овесна каша, бадеми и овошје. Од овошје се препорачува банана и зрнесто овошје со јогурт.