Австриското министерство за здравство соопшти дека инфекцијата со бактеријата ЕХЕЦ е утврдена кај двајца Германци, кои се упатени во болница откако имале дијареја. Првите анализи во болницата во австриската покраина Горна Австрија ја потврдиле инфекцијата со смртоносната бактерија.
Двајцата заразени Германци две недели со велосипеди патувале од северна Германија до Австрија.
Во Германија бројот на инфицирани со смртоносната бактерија достигна над 600 од кои седум починаа.
Бактеријата може да ги разори бубрезите и мозокот, а симптомите се тежок и крвав измет, кои можат да доведат до смрт.
Извор: Нетпрес