Посетителите на зоолошката градина во украинскиот град Василевка ќе имаат привилегија да ја видат новата атракција, откако сопственикот одлучи да се пресели во кафез со лавови.
Александар Плишенко ќе добива храна низ решетките и вели дека ќе остане во кафезот пет недели и таму ќе спие и ќе си игра со големите мачки.
“Една од лавиците е бремена. Планирам да присуствувам на раѓањето на малечките и поминам некое време со нив, а потоа ќе го напуштам кафезот “, објаснува Плишенко.
“Моите животни услови ќе бидат идентични на оние на лавови. Ќе спијам на дрвен под и ќе се хранам низ решетките “, изјави 40-годишниот сопственик на зоолошката градина.
Во кафезот ќе бидат поставени четири камери кои постојано ќе снимаат сé што се случува, а целиот материјал ќе се пренесува преку Интернет.
Александар за време на експериментот нема да ја прекинува неговата уметничка работа, а парите од продажбата на сликите кои ќе бидат направени во кафезот ќе бидат искористени за обнова на градината.