Поранешниот либиски лидер Моамер Гадафи кој беше убиен пред пет дена, закопан бил со едноставна церемонија според муслиманските обичаи, на тајна локација во либиската пустина, известил претставник од Времениот Национален совет во Либија. На истата церемонија бил закопан и неговиот син Мутасим.
Гадафи и неговиот син биле погребани во раната зора на тајно место во пустината со соодветни почести, деталите и официјалните информации ќе бидат соопштени подоцна, барем така јавиле либиските власти.
Воен претставник од градот Мизрата во кој телото на Гадафи беше изложено за јавноста, ги потврдил информациите за погребот на поранешниот лидер.