Тинејџерите сакаат BlackBerry а возрасните iPhone

Британскиот Ofcom, регулаторното тело во областа на телекомуникациите, објавил свој годишен извештај во кој открива како смартфоните го промениле социјалниот живот на луѓето.

Освен податоците дека 37% од восрасните и 60% од тинејџерите изјавиле дека во голема мерка зависат од своите смартфони, интересен е и податокот дека 32% од возрасните корисници на смартфоните изјавиле дека iPhone е нивниот омилен уред, додека кај младата популација најпопуларен е BlackBerry, со 37%.

Потврдата за зависноста од смартфон Ofcom ја изнесува во вид на податоци за тоа колку луѓе користат свој смартфон во текот на паузата за храна – 23% возрасни и 34% тинејџери, но многу од нив не се откажуваат од комуникацијата по пат на смартфон ниту кога се во тоалетот (во проценти 47% тинејџери и 22% возрасни).

Меѓу тинејџерите корисници на смартфоните има повеќе жени, 52%, додека нивниот процент кај возрасната популација на смартфоните е 42%.

Помладите веќе го напуштаат традиционалните медиуми во корист на смартфоните, 23% тинејџерите изјавиле дека помалку гледаат телевизија, а 15% од нив дека читаат помалку книги откако се сопственици на смартфон.

Према податоците до кои стигна Ofcom, 47% од британските тинејџери се власници на смартфон и 27% од возрасните, а процентот на домови кои имаат пристап на интернет во 2011 год. изнесува 76%.

Поголемиот дел од возрасните корисници на смартфони, 59%, истиот го купила во последните 12 месеци.