Уште еден падна: Во Пакистан е уапсен близок соработник на Бин Ладен

Пакистанската тајна служба уапсила близок соработник на Бин Ладен, за кој се верува дека ги планирал терористичките напади за Ал Каеда. Портпаролот на армијата на Пакистанп, објавил дека Ал Мауретани и двајца негови блиски соработници биле уапсени во предградието Кете.
Осама бин Ладен побарал Ал Мауретани да “се фокусира на целите од економска важност во САД, Европа и Австралија, вклучувајќи ги и нафтоводите и танкерите со нафта. Тој планирал напади како оние во Мумбаи 2008 година, пишува CNN. Ахмед Сидики, терорист  кој бил уапсен во јули 2010 година, ја открил важната улога на Ал Мауретани во Ал Каеда.
Ова е пример на силно партнерство помеѓу САД и Пакистан во борбата против тероризмот, изјавил портпаролот на Белата куќа, Џош Ернест.