По 11 години, по 75.000 поминати километри и 53 пара уништени чевли, Канаѓанецот Жан Белавоу се враќа од најдолгата прошетка низ светот.
Педесетишестгодишниот Белавоу, го напуштил Монтреал на својот 45 роденден на 18 август 2000 година, откако му пропаднала работата со која се занимавал. Зад себе оставил девојка и двајца возрасни синови.
Неговата девојка Луси Аршамболт го чекала сите овие години и ги следела неговите патувања. Деталите ги објавувала на неговата веб-страница.
Во текот на 11-годишното патување, Белавоу патувал низ пустини и по планини. Во Судан носел долга брада и турбан. Во Африка јадел инсекти, во Јужна Кореа пробал кучешко месо, а во Кина месо од змија.
Од враќањето дома го дели само неколку дена шетање.
Видео:
http://www.youtube.com/watch?v=pbZKXd8-XsE&feature=player_embedded