Кина соопштила дека ќе ги заостри мерките против абортусот кој е мотивиран од полот на фетусот и на тој начин ќе се обиде да го премости огромниот јаз во земјата, во која во моментов има неколку милиони момчиња повеќе отколку женски деца.
Абортуси кои се прават врз основа на полот на детето довеле во земјата односот меѓу машко женските новороденчиња да е огромен.
На пример во индустриските развиени земји односот е 107 момчиња на 100 девојчиња, додека во Кина тој однос е 130 момчиња наспроти 100 девојчиња.
Се тврди дека властите ќе ги засилат мерките против она како што тие го нарекуваат немедицински употреби на ултразвук тестови и абортуси врз основа на полот на фетусот. Овој план е дел од проектот за развој на децата до 2020 година, но деталите не биле изнесени.