Во објективот: Скарлет Јохансон или духот на Мерлин Монро?

Њујоршкиот фотограф Џон Квилти неодамна откри интересна приказна која како да излезе од хорор филм. Се почна со фотографија на Скарлет Јохансон.

Според неговите зборови, тој присуствувал на доделување на театарските награди, која во 2010 и е доделена на актерка во мал подрумски театар во Њујорк.

„Кога во својот говор стигнала до делот во кој му се заблагодарува на Артур Милер, нешто необично се случи со мојот фотоапарат и не можев да се фокусирам на нејзиното лице. По завршувањето на доделувањето на наградите, го напуштив театарот и видов дека се наоѓа спроти бели згради кои некогаш беа болница во која умрел Рудолф Валентино, а каде била хоспитализирана и Мерлин Монро. Проверив и како ми испаднале сликите, а Скарлет на сите ми изгледаше како Мерлин. Тогаш ме прекина девојка од можеби 10 години која излегуваше од зградата и ме праша што сум сликал. Одговорив: Духови, на што таа ми врати: Овде ги има полно.”

Дали ова сугерира дека овде се случува нешто паранормално? Или можеби Скарлет е „дух” или реинкарнација на филмската дива? Фотографот не дава никаков одговор само заклучува дека има нешто волшебно во овој настан.