Во соопштението објавено од КФОР било изјавено дека до утринските часови ќе воспостави ред на преминот Јариње каде што ќе ги зголеми своите сили. Преминот Брњак веќе бил ставен под контрола од страна на меѓународните сили.
Од КФОР било кажано дека непознати лица ги запалиле објектите на преминот Јариње и пукале кон припадниците на КФОР. Исто така во соопштениото било наведено дека КФОР интензивно ќе работи на смирување на ситуацијата.
Командантот на КФОР, Ерхард Билер вечерта се сретнал со политичките лидери на двете страни со кои преговарал за решение на косовската криза.
Според соопштениото на средбите било договорено повлекување на специјалните сили на Косово кон јужниот дел на земјата, додека Србите треба да ги повлечат блокадите и да ги нормализираат патиштата кои водат кон границите на Косово и да им овозможат на косовските полицајци од двете етнички заедници да се вратат на граничниот премин на Јариње.
Билер апелирал до сите мирољубиви луѓе на Косово да се воздржат од насилство и да го поджат мирното решение на кризата, се вели во соопштението.