Вонредна состојба во Косовска Митровица!

Општинското собрание во северниот дел на Косовска Митровица одлучило да воведе вонредна состојба во општината поради влошената безбедносна ситуација во северниот дел на покраината и дека во градот Звечан е закажана средба помеѓу шефот на српската влада за преговори со Приштина Борислав Стефановиќ и командантот на КФОР, Ерхард Билер, објавило локалното радио КИМ.
Вонредна состојба подразбира ограничување на работата на угостителските објекти од 7-15 часот, а доколку не се почитува наредбата тогаш спрема прекршителите ќе бидат преземени законски мерки.
Локалното собрание на Косовска Митровица побарало од Владата, надлежните министерства и претседателот на Србија да преземат мерки согласно уставното овластување за заштита на територијалениот интегритет и Србите во покраината.
Стефановиќ и Билер, според објавите на КИМ радио, ќе разговараат за спроведувањето на договорите за повлекување на специјалните полициски единици од граничните премини во северно Косово, како и враќање на припадниците на Косовската полициска служба со српска и албанска националност кои работеле на тие премини пред обидот на Косовските специјалци да ги превземат под нивна контрола.