Актерката Мерил Стрип со нов рекорд во Гинис

Улогата на Мерил Стрип во политичката драма „Железната дама“ на легендарната актерка и донесоа нова номинација за Оскар, а со тоа и Гинисов рекорд.

Стрип со оваа номинација има вкупно 17 номинации, со што го сруши рекордот поставен од Кетрин Хепберн и Џек Николсон, кои имаат по 16 номинации.

Досега 62 годишната актерка има освоено 2 Оскари, но последниот го освои пред 29 години за улогата во филмот „Изборот на Софија“. Последната номинација за Оскар Стрип ја имаше во 2009 година за улогата во филмот „Џули и Џулија“.

Во најновиот филм Стрип ја толкува улогата на британската премиерка Маргарет Тачер, а токму оваа нејзина улога е еден од фаворитите за освојување на овогодинешниот Оскар. Па, со среќа!