Apple вчера издаде официјално соопштение во кое се вели дека App Store постигна нов рекорд – 25 милијарди превземања.
За достигнување на таа цифра беа потребни четири години и преку 315 милиони корисници на уреди кои работат на iOS.
„Сакаме да се заблагодариме со нашите корисници и програмери кои што ни помогнаа да го постигнеме овој историски успех”, изјави потпретседателот на Apple, Еди Кју.
„Кога го лансиравме App Store пред четири години, не можевме ни да замислиме дека мобилните апликации ќе станат таков феномен каков што се денес”.
Кинескиот корисник, Чунли Фу, ја превземал апликацијата Where’s My Water? и поставил нов рекорд, а Apple го наградил со подарок, iTunes картица во вредност од 10.000 долари.
Освен тоа што може да се пофали со бројката, Apple и заработува од својата продавница на апликации. Mashable пишува дека во 2011 година Apple заработил 5,4 милијарди од iTunes, App Store и iBookstore, што е околу 6 проценит од нето приходите на Apple, но и раст од дури 33 проценти во однос на 2010 година.