Разочаран бидејќи никогаш немал добивка во игрите на среќа и лотариите, американецот Хавиер В. се заколнал дека од нова година па натаму повеќе никогаш нема да купува гребки или други тикети за игри на среќа.
Меѓутоа, среќата му се насмевнала кога тој најмалку се надевал и токму на последниот купен тикет тој освоил еден милион долари.
Хавиер В. решил за последен пат купува тикет за игра на среќа и со тоа ќе ја прекине низата неуспешни обиди да добие пари на лотарија.
Но, се случило големо изненадување, токму тогаш тој освоил еден милион долари.
На прашањето што ќе прави со парите Хавиер одговорил: „Незнам, бидејќи се уште не верувам дека освоив“.
Хавиер последната година дена почнал да губи надеж и постојано зборувал како игрите на среќа и лотариите се наместени и дека не треба да се очекува добивка.
На крајот тој не се изјаснил дали го променил ова мисење, иако медиумите јавиле дека сепак ќе им остане верен на игрите на среќа.