Мегапопуларниот фудбалер Дејвид Бекам не се откажува од тужбата против проститутката која тврди дека и платил 10.000 долари за секс.
Неговите адвокати поднеле нова жалба против Ирма Ница за надомест од 25 милиони долари тврдејќи дека нема никакви докази за нејзините обвиненија. Ница (26) за магазинот InTouch изјавила дека Бекам и платил за секс во Њујорк и во Лондон.
Ѕвездата на ЛА Галакси ги тужел Ирма и магазинот за клевета и бара повеќе од 25 милиони долари отштета. Но, жалбата ја разрешил судијата во Лос Анџелес утврдувајќи дека не се работи за клевета во статијата и дека е објавена во интерес на јавноста. Судијата образложил дека магазинот објавил текст верувајќи во лажната приказна на Ирма Ница.
Бекам негира дека некогаш воопшто се сретнал со Ирма, за што понудил и докази, а неговите адвокати сега поднеле и жалба до Апелациониот суд во Лос Анџелес против претходната судска одлука и сакаат да го обноват случајот.