Британецот Стив Чемберс (50) е еден од челновите на здружението на уметници кои цртаат со усни и стапала, а своите неверојатни уметнички дела ги создава со помош на усните.
„Сликам со уста откако знам за себе. Луѓето мислат дека за ова треба многу време, но учењето да ја држам четката со заби за мене беше лесно колку и да научите да ја држите лажицата со прсти“, изјавил Стив. Тој додал дека откако видел молив, секогаш мислел дека треба да се држи со усна, а не со прсти.
Стив, инаку, е роден со редок вид на болест, која не му дозволува да ги користи своите раце, бидејќи нема никаква контрола над нив. И покај својот инвалидитет, Стив ја развил љубовта кон уметноста и неговите слики се познати ширум светот.
