Едно казино во Минесота испекло чизбургер со сланина со обем од три метри и тежок еден тон, и со тоа влегува во Гинисовата книга на рекорди.
Мамутскиот бургер со тежина од 914 килограми послужен е во неделата во казиното Blak Ber во близина на Карлтон.
Претставник на Гинис, Филип Робертсон потврдил дека станува збор за најголемиот бургер. Тој вели дека чизбургерот е резултат на “инзвонредна тимска работа” и “навистина добар вкус.”
Локалните медиуми пренесуваат дека претходниот рекорд го држел бургер тежок “ситни” 400 килограми.
Во бургерот од казиното Blak Ber вклучени се 27 килограми сланина, 23 килограми салата, 23 килограми кромид, 18 килограми краставици и 18 килограми кашкавал.
Биле потребни четири сада за бургерот да се испече и да се сврти на другата страна.