Денис Родман банкротирал, а му се заканува и казна затвор!

Некогаш успешниот и богат кошаркар Денис Родман денес не може да плаќа алиментација од 800 илјади долари, бидејќи банкротирал.

Според странските медиуми, поранешната сопруга на Денис, Мишел Родман, доставила до судот документи во кои тврди дека поранешниот сопруг и должи 808,935 долари за нивните две деца.

Адвокатот на Денис Родман изјавил дека легендарниот кошаркар на Чикаго Булс не може да плаќа алиментација, бидејќи банкротирал. Наводно Денис е и сериозно болен, а месечниот износ од 50 илјади долари алиментација, не е во согласност  со неговите денешни примања, вели адвокатот.

51- годишниот Родман очекува сослушување на суд поради неплаќање алиментација, а со тоа му се заканува и затвор од 20 дена.