Џвакањето мастики може да ја подобри нашата интелигенција, покажале резултатите од едно ново истражување на група научници од „Сент Лоренс“ во Њујорк.
Истражувањето кое е спроведено на 224 студенти, покажало дека џвакањето мастика 5 минути пред испит ги подобрува резултатите, пренесуваат медиумите.
Поентата е во тоа што дополнителниот проток на крв кој е предизвикан со напорот при џвакањето може да поттикне подобро функционирање на мозокот, пред се на помнењето.
Меѓутоа, дејството на џквањето мастика според научниците трае од 15 до 20 минути, не повеќе, бидејќи потоа заморот предизвикан од страна на оваа активност ги намалува интектуалните способности.