Само чаша пресно млеко дневно е доволно за да се зголемат умствените способности. Експерти од универзитетот во Мејн утврдиле дека шансите за успех на тестот за интелигенција и мозочни функции се пет пати поголеми кај луѓето кои редовно пијат млеко.Зголемувањето на умствените способности е друг голем плус на млечните производи освен нивниот принос за здрави коски и заби.
Вистината е дека млечните производи се многу полезни за сите освен за оние кај кои тоа е исклучено од здравствени причини. Од најновите истражувања знаеме дека калциумот, витаминот Д и магнезиумот што ги има во нив играат важна улога при намалување на маснотиите во телото, дијабетот и високиот притисок. Сега откривме дека млечните производи се поврзани во позитивна смисла и со когнитивните функции, вели раководителот на истражувањето д-р Мерил Елајс.