Доколку му се верува на проверениот извор на сајтот Pocket-lint, Facebook сака да ја купи компанијата Opera Software.
Ако дојде до тоа, и Facebook го претстави својот browser, во него веројатно ќе биде интегрирана Facebook функционалност, а Mashable пишува дека тоа би било значаен чекор во обидот Facebook да стане „вашиот веб”.
Со овој чекор, Facebook би влегол во теренот на Google и би станал конкурент на Chrome, но и на Mozzila Firefox, Internet Explorer и другите пребарувачи.
Дека Facebook не бега од инвестиции видовме од неодамнешниот пример, кога го купи Instagram за милијарда долари, а не е познато дали и за која сума се преговара со Opera.
Од Facebook не сакаа да ги коментираат овие шпекулации.