Иако се претпоставуваше дека новиот Galaxy S би можел да биде претставен на MWC саемот кој следниот месец ќе се одржува во Барселона, доколку им веруваме на новите гласини, тоа нема да се случи.
За разлика од претходните два Galaxy S модели, Galaxy S III ќе биде претставен на почетокот на летото, пренесува сајтот t3.com.
Што се однесува до гласините за тоа какви карактеристики овој уред би требало да има, Cnet пренесува дека Samsung би можел да одлучи на корисниците да им понуди две верзии, со процесор од два или четири јадра, а што се однесува до екранот, се очекува големината и резолуцијата да биде слична со оние на Galaxy Nexus.
Што се однесува до оперативниот систем, наследникот на популарниот Galaxy S II би требало да се испорачува со Ice Cream Sandwich верзијата на Android.