Претседателот на стопанската комора на Австрија Кристоф Лајтл предложил на презадолжената земја да го продаде својот имот на државата со која со години се во многу лоши односо.
Навредлив предлог! Грција да ги продаде островите на Турција!
Грција треба да ги продаде островите на Турција за да го санира својот буџет и да избегне банкрот, предложил претседателот на стопанската комора на Австрија, Кристоф Лајтл. Продажбата на островите беше предложена и од германски официјални лица уште во 2010 година, но Грција тогаш го одби тој предлог. Сега најновиот предлог дополнително ја разбесне Атина, со изјавата дека треба да ги продаде островите на Турција, земја со која се во лоши односи поради Кипар.
Лајтл во виенскиот неделник Профил, предложил дека Грција треба да ги продаде ненаселените острови и далечните на Турција. Тој укажал со секој нов пакет помош за Грција расте антигрчкото расположение во Европа.
Грција која сега должи повеќе од 360 милијарди евра, а очекува нова помош од ММФ и ЕУ нов пакет помош од 130 милијарди евра.
Кога во 2010 година германците предложија да се продадат дел од грчките острови на други земји, не беше спомената Турција, за да не се навреди Атина. Подоцна како можни купци беа споменувани Русија и Кина, а особено заинтересиран бил рускиот олигарх Роман Абрамовиќ.