Ако кај нас политичарите се убиваат поради скандалите за вонбрачни односи, малку од нив ќе останеа на политичката сцена. Меѓутоа, во Јапонија ова е малку поразлично, а тоа го покажа и јапонскиот министер Тадахиро Мацушита.
Гласините кои од вчера доминираат на јапонските медиуми и интернет портали денес се потврдени. Јапонскиот министер за финансии, 73-годишниот Тадахиро Мацушита, си го одземал животот само две дена пред закажаното интервју со еден магазин кој би требало да објави приказна за него и да го разоткрие скандалот за неговата вонбрачна врска.
Мацушита вчера е пронајден обесен во семејниот дом во Токио, а покрај неговото тело пронајдено е и проштално писмо наменето за неговата сопруга. Ккао што пишуваат локалните медиуми, Мацушита оставил и писмо за јапонскиот премиер Јошихико Нода.
Деталите до приказната не се познати, како ниту дали разоткривањето на скандалот било мотив за самоубиство.