Како утеха за понежниот пол! Мажите подобро возат, ама жените подобро паркираат! :)))

Едно британско истражување ги побива сите постоечки стереотипи дека жените незнаат да паркираат автомобил. Британската паркинг компанија NCP во текот на еден месец снимила околу 2500 воазчи кои ги паркирале своите возила на 700 нејзини паркинг места ширум Британија.

Резултатите биле: жените многу полесно наоѓаат паркинг место бидејќи поспоро возат пред се, додека мажите често брзаат и не ги гледаат слободните места. Исто така, жените подобро маневрираат во просторот.

Дури 39% од жените го паркираат својот автомобил во согласност со стандардите на инструкторите за возење, додека тоа го прават само 28% од мажите. Точно да го центрира својот автомобил знаат 52% од жените, наспроти 25% од мажите.

Единствено нешто во што се подобри мажите од жените е брзината на паркирањето. На мажите за ова им се потребни во просек 16 секунди, додека на жените 25.

Инструкторот по возење, Нил Бисон, по чии критериуми биле оценувани возачите изјавил дека е изненаден од резултатите, бидејќи мажите биле подобри ученици за време на часовите по возење.

„Изгледа жените подобро ја запаметиле лекцијата“, изјавил Бисон.