Седум дена откако најави дека се разведува од комичарот Расел Бренд, пејачката Кети Пери прв пат проговори во јавноста за своите чувства.
“Многу сум среќна поради поддршката и љубовта која ми ја дадоа луѓето од целиот свет. Поради вас моето срце е повторно среќно”, објавила Кети на својот профила на Twitter.
Пејачката се осврна на многу гласини кои ја пратеа неа и нејзиниот наскоро поранешен сопруг, од моментот кога Бренд поднесе барање за развод.
“Сакам на сите јасно да им порачам да не зборуваат во мое име. Ни болови, ни магазини, блиски извори или членови на семејтвото”, напишала Кети која по објавата за разводот во јавноста прв пат ќе се појави на 11 јануари.