Американската старлета Ким Кардашијан изјавила дека направила се за да го спаси својот брак со Крис Хамфрис.
Ким ги поднела документите за развод од NBA играчот Хамфрис во октомври минатата година, по само 72 дена во брак.
Ким во шоуто “Live with Kelly” во понеделникот изјавила дека разводот е тежок, но дека било неопходно да биде искрена поради фактот дека врската не функционирала.
“Се обидов апсолутно се, мислев дека можам. Сакам деца, сакам вечна љубов, но во срцето чувствував дека тоа не е тоа. Зашто да чекам да поминат години и да се случи истата работа? Научив многу и сега почнувам од почеток”, изјавила Ким.