Кои се Гинисовите рекорди на Симпсонови???
Инспирирани од рекордот на фановите на Симпсонови, кои неодамна влегоа во Гинис откако го изгледаа најдолгиот маратон на епизоди од својата омилена серија, решивме да се навратиме и да ги откриеме сите рекорди на славните Симпсонови.
Верувале или не, освен рекордот кој ви го претставивме вчера, постојат дури уште 7 други Гинисови рекорди поврзани со оваа култна серија:
Анимирана ТВ серија која најдолго се емитува: Првата епизода на Симпсонови премиерно беше прикажана на 17 декември 1989 година, а овој месец премиерно беше прикажана 500-тата епизода. Според Гинис, Симпсонови се анимирана серија која најдолго се прикажува.
Комична ТВ серија која најголго се емитува: Заради својот комичен карактер, Симпсонови се рекордери и во оваа категорија.
Најмногу Еми награди освоени од индивидуалец: Џејмс Брукс, продуцентот и режисерот на Симпсонови освои дури 19 Еми награди во 2006 година, повеќе од сите досега.
Најмногу Еми награди за анимирана серија: Досега Симпсонови има освоено дури 20 Еми награди.
Најмногу „гости“ во ТВ серија: Во Симпсонови досега гостувале, односно гласот го позајмиле 337 познати личности кои не се дел од регуларната екипа на серијата.
Најбарана серија на интернет: Симпсонови е апсолутен рекордер кога станува збор за пребарување на серии на интернет.
Најголема кула од крофни: На прославата во чест на премиерата на филмот за Симсонови во Капитал Радио во Лондон беше направена најголемата кула од крофни висока 110.5 сантиметри.