На тинејџерка и е отстранет желудникот откако во еден бар испила коктел кој како еден од состојките содржи течен азот.
Геби Шенлон го прославила својот 18-ти роденден во еден бар во Велика Британија. Откако го испила својот коктел со течен азот почнала да се жали дека не може да дише и дека чувствува силни болки во пределот на стомакот.
Геби брзо била пренесена во болница и и е извршена итна операција. Докторите и го отстраниле желудникот за да и го спасат животот. Иако не е во животна опасност, Геби се наоѓа во тешка состојба.
Барот во кој Геби го испила овој опасен коктел минатот месец го промовирал истиот коктел на Фејзбук. “Порно ѕвезда Мартини” е името на коктелот кој е специјалитет на куќата и содржи течен азот. По овој инцидент, барот повеќе не го продава овој коктел.
Течниот азот може да биде смртоносен кога ќе се вдише и проголта. Доколку се голтне, азотот може да замрзне делови од усната шуплина, трахеата или стомакот.