Неможејќи да се чувствуваат удобно во светот на „големите луѓе“, луѓето со синдромот со синдромот дворфизам, односно џуџизам решиле да си создадат сопствено кралство, во близина на Кунминг, во кинеската провинција Јунан.
Всушност станува збор за шоу наречено Кралството на џуџињата, каде работат преку 100 „мали луѓе“ на возраст од 18 до 40 години, а единствениот услов е да се пониски од 130 сантиметри.
Џуџињата имаат сопствено шоу кое се одржува два пати на ден, каде играат, пеат и изведуваат најразлични точки за да ја забавуваат публиката. Иако навидум изгледа дискриминирачки, сепак овие луѓе се решени да заработат на овој начин и така да се соочат со невработеноста и сиромаштијата.
Всушност, кралството на џуџињата не е вистинско место за живеење, туку тематски забавен парк кој го организирале самите тие, а куќичките кои изгледаат како печурки се само дел од сетот, а не место каде што живеат тие.
