Мајчина душица лечи акни

Истражувачкиот тим од Лидс Метрополитен универзитетот откриле дека тинктурата од мајчината душица, комбинирана со тинктурата од невенот ги змирува и уништува бактериите кои предизвикуваат акни.

Исто така, научниците откриле дека овој природен производ  остварил подобар антибактериски ефект од стандардната концентрација на пероксид, активната состојка која се наоѓа во повеќето препарати против акни.

“Ако клинички се докаже ефикасноста на тинктурата од мајчината душица, како што сугерираат нашите резултати, оваа билка може да биде природна алтернатива на третмани кои во моментов се применуваат. Производите кои содржат пероксид предизвикуваат несакани ефекти како што се пецкање и иритација на кожата, додека билните препарати се подеднакво ефикасни, а притоа многу поблаго делуваат на кожата”, објаснила д-р Гомез Ескалад, лидер на научниот тим. Инаку, маслото од мајчината душица се користи во лекување на инфекции на уста, грло и е честа состојка во сирупите за кашлица.