Медени коцки

Потребни состојки:

За кора:

• 150гр маргарин
• 2 чаши вода
• 2 чаши шеќер
• 3 чаши брашно
• 3 лажици какао
• 2 кесички ванилин шеќер
• 2 кесички прашок за пециво
• 2 лажици рум

За фил:

• 500мл млеко од соја
• 4 лажици пченкарно брашно
• лажица шеќер
• 4 лажици мед
• 250гр маргарин

За глазура:

• 150гр посно чоколадо
• лажица мед
• 80гр маргарин

Начин на подготовка:

Измешајте со миксер шеќер со стопен маргарин и вода, додадете ги сите останати состојки за кората и се добро соединете. Додадете во поголем подмачкан плех  и на 180 степени испечете тенка кора. Оладената кора поделете ја на два дела. Брашното изматете го во малку млеко од соја, а преостанатото млеко загрејте го со шеќер и мед. Во полузагреаното млеко додадете го изматеното пченкарно брашно и варете го филот додека не се згусне. Кога ќе се олади, додадете маргарин пенасто изматен со ванилин шеќер. Филувајте ја кората и одозгора ставете друга кора. Колачот прелијте го со глазура од чоколадо и украсете по желба. Добро оладениот колач исечете го на коцки.