Освен што беше прогласен за најброен женски маратон на светот, Нагоја Воман Маратон 2012, кој се оддржа во Јапонија, беше прогласен и за најголем „женски“ настан во светот.
Во маратонот учествувале 13 114 жени, а самиот настап бил квалификациона трка за Јапонките кои сакаат својата држава да ја претставуваат на Олимписките Игри во Лондон.
Маратонот, кој стана Гинисов рекордер, успешно го завршија 12 721 жени (97% од пријавените), а победнична на маратонот беше Албина Мајорова од Русија, која го истрча маратонот за 2:23:52.
На второто место се најде јапонката Јошими Озаки (2:24:14), додека на третото место се најде Реми Наказато (2:24:28), исто така од Јапонија.