Необични портрети направени од стари весници

Повеќето луѓе прочитаните стари весници ги фрлаат во ѓубре, но уметничката Гугер Петер ги употребува за да создаде навистина интересни портрети.

Петер користи специјална техника на плетење преку која весниците ги претвора во вистински уметнички дела. Таа вели дека отсекогаш била инспирирана од црно белата ограничена палета која се користи за изработка на весниците, а решила да се занимава со оваа уметност откако во 1986 година наишла на многу исфрлени весници пожилтени од сонцето.

„Весниците нудат ограничена палета на бои и се навистина нежни, но тоа е она што ме инспирира да ги користам како материјал за моите дела“, вели Петер.