„Всушност не постои пазар на таблети, туку постои iPad пазар”, изјави Мег Витмен, извршната директорка на компанијата HP.
Таа, пренесува AFP, говорела за HP таблетот кој ќе се најде на пазарот до крајот на оваа година, а ќе работи на Windows 8.
Овој таблет, според нејзините зборови, ќе завземе местото на iPad во деловната употреба.
„iPad е фантастичен, јас имам еден. Го користам за да читам книги, гледам телевизија, но не го користам кога навистина треба да завршам некоја работа”, вели Витмен.
Новиот HP таблет на пазарот би можел да се најде за време на божиќните празници, а ќе биде скроен така да овозможува сигурност и алатки за подобра продуктивност, изјави таа.