Неодамна се повлечени од пазарот и забранети воедно, таблети за слабеење кои се рекламираат како од „растително потекло“, поради содржината на сибутрамин, материја опасна за човечкиот живот и здравје. Производител е кинеска фирма. Пазарот е буквално преплавен од вакви опасни таблети, кои всушност не се во групата на лекарства и затоа не би требало да содржат синтетски супстанции во себе.
Трговијата со вакви препарати преку интернет е надвор од контрола. Човек не секогаш точно знае што си купува. Не сите ги разбираме латинските термини и нивното значење.
Се продаваат дури и таблети кои се забранети и докажано опасни. Затоа човек треба да е многу предпазлив со овие работи и секогаш да биде сигурен што купува и што консумира.
Медицината пак советува дека правилниот начин на слабеење е здрава храна и спорт. Таблетите не се дел од тој начин. Затоа луѓето најчесто ги земаат на своја рака и при тоа не се свесни во каква опасност се доведуваат.