Првиот човек на светот кој нема срце!

Докторите од Институтот за срцеви заболувања во Тексас успеаа да направат замена на срцето на еден пациент со направа која ќе овозможи нормален проток на крвта. Со ова пациентот, 55 годишниот Крег Луис, е првиот човек на светот кој живее без срце, а со тоа и без пулс.

Направата, која наликува на турбина, не чука како нормалното срце кое ја пумпа крвта, туку овозможува постојано течење на крвта низ телото.

Крег, кој страдал од амилоидоза, односно зголемување на бројот на абнормални протеини кои ги запушуваат вените, сега повторно може да му се радува на животот, иако многумина можеби ќе го сметаат за вампир заради недостигот на пулс.