Саксофонистот од групата The Killers, Том Март е пронајден мртов во својот дом во Лас Вегас, оваа недела.
Членовите од бендот тоа и официјално го потврдиле со порака на својата интернет страна: “Го изгубивме нашиот драг и долгогодишен пријател Томас Март. Нашите молитви се со неговото семејство. Сега на Лас Вгеас ќе му недостига едно светло. Почивај во мир, Томи”.
Во четвртокот полицијата во Лас Вегас потврдила дека верува дека се работи за самоубиство. Томи имал 33 години, а со групата The Killers ги снимил албумите “Sam’s Town” и “Day & Age”. Со нив бил и на турнеите во 2008 и 2009 година.