Бери и Ен Ватсон прв пат се венчале во 2002 година како маж и жена. Но, девет години подоцна, тие ги обновиле своите свадбени заклетви како жена и жена, бидејќи Бери го променил својот пол и станал жена по име Џејн.
Иако изгледаат навистина среќни, на Бери и Ен секогаш „не им цветале ружи“ во нивниот брак, особено откако Ен дознала дека Бери сака да го промени полот. Ен вели дека била навистина бесна заради тој факт, особено затоа што во тој период мислела дека Бери ја изневерува. Но откако ги разрешиле разликите и сфатиле колку се сакаат, тие сега имаат навистина хармоничен брак.
Бери, а сега Џејн, вели дека уште од мал бил различен од другите и дека се облекувал во облеката на неговата мајка. Но бидејќи морал да се крие, тој се оженил со Ен во која се заљубил на прв поглед. Откако дознала за желбата на Бери, Ен најпрво била хистерична но потоа го прифатила бидејќи вели дека ја сака неговата личност, а не неговиот пол.