Барт Лоранг, шеф на информатичко технолошката компанија „FullContact” API од Денвер смета дека неговите работници мораат да бидат одморен ии свежи за да може да ги следат неверојатните трендови и динамичниот пазар на IT секторот.
Затоа овој шеф им понудил по 7500 долари за да може да ги исполнат сите желби на својот одмор. За да ги добијат овие средства работниците мораат да го исполнат строгото правило „да го исклучат мозкот од работа за време на одморот“.
Прво тие вистински мораат да одат на одмор, а второ мора целосно да го исклучат мозкот од работата, што значи нема телефонирање, нема мејлови, ниту пак користење на социјални мрежи.
„Тоа е вистинскиот одмор за мозкот. Се враќаш свежи и со поголем елан за работа“, изјавил Роби Џек еден од вработените во оваа компанија.