Индија овие денови ја потресе шокантна вест за силување. Овој пат се работи за силување на 23 годишна студентка во градски автобус во главниот град Делхи.
Како што се наведува, студентката и пријателот со кој се возела, биле претепани, соблечени и исфрлени од автобусот. Потоа се пренесени вo болница, а девојката е во критична состојба. Полицијата во врска со случајот го уапсила возачот и уште неколку лица.
Момчето и девојката се враќале дома по забава во јужниот дел од градот. Се наведува дека нападот го извеле најмалку четворица мажи.
„The Times of India“ пишува дека овој град со последниот инцидент ја потврди неговата озлогласеност и репутација „индиски центар на силување“, токму поради бројните силувања.
Годинава се пријавени дури 582 случаи за силување, а по последниот кој го шокираше градот, организирани се и протести, најмногу од жените кои се плашат за нивната сигурност, а за случајот се расправа и во пармалентот.