Шварценегер признава за аферата со Бриџит Нилсен

Арнолд Шварценегер потврди дека тој имал „жешка афера“ со актерката Бриџит Нилсен во времето кога тој и Марија Шривер биле пар и веќе живееле заедно.

Шварценегер и Нилсен заедно настапувале во филмот од 1985 година „ Red Sonja“. Нилсен објавила мемоар минатата година во кој се вели дека тие двајца имале афера, но таа дури отпосле дознала дека тој бил во врска со Шривер.

Во својот мемоар, пак, Шварценегер вели дека е точно дека имал афера со глумицата, но тој знаел дека тоа нема да трае, и дека токму тоа му помогнало да сфати дека сака да се ожени со Шривер. Нилсен набрзо потоа се омажила со друга акциона ѕвезда, Силвестер Сталоне.