Иако тој е најпознатиот жив светски научник, професорот Стивен Хокинг сепак призна дека незнае баш се и дека постои една работа која му е потполна мистерија, а тоа се жените.
Во интервју за магазинот New Scientist, по повод неговиот 70 роденден, Хокинг на прашањето за што највеќе размислува во текот на денот, одговорил – на жените.
„Жените, тие се комплетна мистерија“, додал Хокинг.
Исто така, на прашањето за тоа што смета дека е негова најголема грешка, Хокинг одговорил дека тоа било неговото верување дека црните дупки ги проголтуваат и уништуваат информациите.
„Тоа беше моја најголема грешка или пак голема грешка во науката“, изјавил Хокинг, кој веќе со децении боледува од амиотрофна латерална склероза.
На 8-ми јануари по повод 70 роденден на научникот Универзитетот во Кембриџ ќе одржи симпозиум во негова чест под името „Состојбата на вселената“.