Совети како да ја подобрите концентрацијата

Дали сме успешни во нешто или не често зависи од нашата концентрација. За се што правиме, било каква работа или учење, клучна е концентрацијата. Концентрацијата многу лесно се губи, а тешко се враќа, особено ако не сме во најдобра физичка форма.

Еве неколку совети кои ќе ви помогнат да се сконцентрирате и да ја задржите концентрацијата.

Отстранете ги сите надворешни фактори, како бучава, телевизија, музика, се она што ви го одвлекува вниманието.

Најдобро е да се придржувате до ист распоред. Секогаш станувајте исто време наутро, независно дали сте на работа или не. Така ќе го навикенте организмот на одредено темпо на работа, па вашиот мозок ќе знае кога треба да биде концентриран.

Кога работите нешто целосно посветете му се и обидете се да не размислувате за другите неповрзани грижи и обврски.

Ако почувствувате пад на концентрацијата немојте да се форсирате. Направете пауза и не размислувајте за работата, за потоа одморени да се вратите на работа.

Кога повторно ќе почувствувате умор откажете се и продолжете следниот ден. Некогаш работите едноставно не може да ги завршите.

Секогаш оставајте си доволно време за некоја работа, не чекајте последен момент за да не го зголемите нивото на стрес кој лошо влијае на концентрацијата.